本來我地無諗過去澳門食翅架~
而我亦唔知原來澳門有食翅專門店!
不過, MMJ有朋友都係同一日係澳門~
而佢朋友想約埋一齊食翅
所以先會有譚家魚翅哩個行程
本來約左MMJ的朋友係氹仔個間食~
聽聞係老店
但實在太多人, 而MMJ朋友又要趕船.
咁我地其實都無特別想食翅
所以當日我地係放棄左哩個行程.
但係第二日...係大三巴附近亂行時,
突然發現了譚家魚翅, 而且無人~
當時我地都無諗住食
後來, 周圍都係人, 而我地又有點累想坐下~
所以中左入去食翅
坐底個一刻
突然有點怯
我地真係食翅?好似好唔環保喎?
唯有安慰自己...食最普通個D同埋無下次!
哩個係MOP48的黃燘大排翅(1.8兩)
大約有2份咁樣的翅
我真係唔識咩先係靚翅~
其實...我覺得...翅係無味既...
但個湯真係好得~好濃味
由於唔太餓, 我地share一個飯
試下魚翅撈飯
講到底, 都係全靠個湯~
真係好正!!!
個湯呢~
濃到我地一度以為有味精
作為味精Detector, 我confirm無味精!
真係好想encore個湯底~
所以, 我強烈建議要推出淨湯~
或者以素翅代替~
想知道更多不妨看看以下連結:
沒有留言:
張貼留言